Është mbajtur takimi mes ministrit Dukaj, kryetarit të Podgoricës dhe kryetarëve të komunave Tuzi dhe Zeta -

Ministri i Administratës Publike, Marash Dukaj, ka takuar kryetarin e Kryeqytetit Podgoricës, prof. Sasha Mujoviq, kryetarin e komunës së Tuzit, Lindon Gjeljaj dhe kryetarin e Komunës Zeta, Mihailo Asanoviq.

Temë e takimit ishte demarkacioni mes kryeqytetit dhe komunës së Tuzit dhe Zetës. Takimi është mbajtur me iniciativë të ministrit Dukaj, me qëllim të harmonizimit të dinamikës së procesit të delimitimit dhe sigurimit të funksionimit normal të këtyre njësive të vetëqeverisjes lokale.

Në takim u vlerësua se procedura e deritanishme e delimitimit ishte joefektive dhe të gjithë pjesëmarrësit në takim shprehën gatishmërinë që këto procese të përfundojnë sa më shpejt.

Në këtë drejtim u harmonizua dinamika e punës dhe u ra dakord që çështjet e padiskutueshme të procedohen menjëherë, si dhe të ndërmerren të gjitha masat dhe veprimet për zgjidhjen e pikave kontestuese në përcaktimin dhe ndarjen e pasurisë, në mënyrë që arbitrazhit i besohet vetëm ajo që është e nevojshme.

Për këtë, Ministria e Administratës Publike do të japë kontributin dhe mbështetjen e plotë për këto njësi të vetëqeverisjes vendore për të sjellë zgjidhjen përfundimtare, në kënaqësinë e të gjithëve dhe në radhë të parë të qytetarëve.