Intervistë me Miradie Gjonbalaj, edukatore e parë në gjuhën shqipe në kopshtin e Plavës -

Bashkëbisedimi i radhës sjellë bisedën me Zonjën Miradie Gjonbalaj, e cila ka një profesion sa të vështirë, aq edhe të këndshëm. Është edukatore e parë në gjuhën shqipe në kopshtin e Plavës, aty ku fëmija marrin hapat e parë të edukimit, të mirësjelljes dhe socializimit me fëmijët e tjerë. Zonja Miradia edhe pse vjen nga Kosova, në Plavë Guci e ka krijuar jetën familjare dhe profesionale, dhe ndjehet shumë e lumtur që mund tu shërbejë bashkëvendasve në edukimin e brezave të rinj.

Ajo shprehet se fëmija janë gjithçka për të, dhe përveç që është edukatore, prej momentit të marrjes së fëmijëve e deri në dorëzimin e tyre, ajo ka përkujdesjen prindërore për secilin fëmi të kopshtit. Miradia shprehet se e gëzon fakti që ka një bashkëpunim dhe mirëpkuptim shumë të mire me prindër, për çka I falenderon, sepse bashkëpunimi me prindër është shumë I rëndësishëm për edukimin e kësaj moshe. Përgjatë viteve kushtet në kopshtin e fëmijëve në Plavë janë përmirësuar dukshëm, por fillimet ishin të vështira, tregon Miradia. Ajo për mbështetje të funksionimit të kopshtit e falenderon shumë diasporën e cila, sidomos në vitet e para të punës, ju ka ndihmuar shumë, dhe çdoherë jep kontributin e vetë përmes aktiviteteve të ndryshme. Zonja Miradia, përveç dashurisë për fëmijë, pasion e ka edhe gatimin dhe punën e veshjeve tradicionale shqiptare. Përgatitjen e ushqimeve tradicionale I bën sipas porosisë, ku dominon kërrkesa për flia, kurse puna e dorës ishte dashuria e saj nga vegjëlia, kur u ndihmonte nënës dhe gjyshes për të punuar punë dore. Ajo tani me porosi punon edhe veshjet tradicionale shqiptare të zonës, dhe shprehet se është e lumtur që veshja tradicionale po përdoret shumë, gjë që e ruan kulturën dhe traditën e vendit.