Festivali “Skena Verore – Ulqin, 2024” u përmbyll me koncertin mahnitës të artistes Elina Duni & Rob Luft band -

Në hapësirat e Muzeut Vendor të tejmbushur me njerëz si kurrë më parë, jehoi kënga e interpretuar më së miri nga Elina Duni, unike në stilin e vet, si dhe Rob Luft band me artistët Rob Luft në kitarë, Kiril Tufekcievski në bas dhe Viktor Filipovski në bateri. “Jemi të kënaqur që kishim mundësinë të mikprisnim artistë të mirëfilltë, të cilët më së miri kombinohen me traditën e Skenës Verore si festival dhe bukurinë e perfeksionin e Kalasë tonë, u shpreh drejtoresha e Qendrës për Kulturë, Adriana Hoxha.

Drejtoresha Hoxha tha se është më se kënaqur me organizimin e Skenës verore 2024, e cila këtë vit e përmbushi muajin gusht me aktivitete të shumta kulturore, të kombinuara mirë, si për nga përmbajtja ashtu edhe për nga përshtatja kohore dhe vendore e secilës mbrëmje.