Intervistë me Verë Hakaj, mësuese dhe veprimtare e dalluar në Plavë
Verë Hakaj, mësuese dhe veprimtare e dalluar në Plavë, me një bagazh të gjerë jetësorë dhe profesional. Luftëtare kundër të padrejtave, e sidomos për shqiptarët. Përveç mësimdhënjes, Vera ka pasur një jetë aktive edhe në fusha tjera. Ishte korrespondente për redaksinë në gjuhën shqipe pranë RTMZ, pastaj ishte e kycur edhe në politikë, si këshilltare në kuvendin komunal të Plavës, ku veçon aktivitetin e saj për hapjen e kopshtit të parë për fëmijë në Plavë, pastaj ngritjen e zërit kundër hapjes së deponisë së mbeturinave në fshatin Martinaj, si dhe shumë aktivitete tjera, ku ishte zëri I bashkëvendasve të vet. Vera tregon që nuk është e kënaqur se si veprojnë strukturat politike shqiptare në Plave, sepse duke qenë të ndarë, humbasin mundësinë që të kenë së paku dy këshilltarë në Komunën e Plavës. Knaqësia më e madhe e Verës, janë fëmijët në shkollë dhe 5 mbesat e nipërit që I ka në shtëpi. “Kta të mëdhenjt ma ngritin pulsin, se me fëmi gjithçka është në rregull”, – tregon Vera gjatë bashkëbisedimit. Ka botuar librin “Nga dritarja ime”, kurse librin e radhës – romanin e ka ne dorëshkrim. Në fund ajo porosit që të bashkohen shqiptarët, ndërsa femrat I këshillon mos të frikësohen të flasin dhe të luftojnë për të drejtat e veta.
About The Author
