Libraria “Ulqini” fiton donacion prej 50 mijë euro nga Republika e Shqipërisë -

Ministria për Evropën dhe Punët e Jashtme të Republikës së Shqipërisë vazhdon të mbështesë Librarinë Ulqini, si qendër e librit dhe e promovimit të kulturës shqiptare, me një donacion prej 50,000 eurosh, njoftohet nga Libraria Ulqini.

“Falenderojmë ministrin z. Igli Hasani për vlerësimin e këtij projekti dhe ndihmën, si edhe Konsullin e Përgjithshëm të Republikës së Shqipërise, z. Arben Doçi që ndihmoi në lëvrimin e këtij donacioni.

Me rastin e pranimit të këtij donacioni, disa anëtarë të Këshilli Kombëtar i Shqiptarëve dhe drejtoresha e Librarisë Ulqini, u takuan me Konsullin e Përgjithshëm, z. Arben Doçi ku e falenderuan për mbështetjen e treguar dhe u dakorduan për forcimin e bashkëpunimit dhe projekteve të përbashkëta”-thuhet në njoftim.