SË SHPEJTI NË ULQIN, NË QENDRËN PËR KULTURË, DO TË FORMOHET TEATRI I KUKULLAVE -

Komuna e Ulqinit në kuadër të Departamenti për projektet e BE-së, fitoi edhe një projekt të ri I cili kësaj radhe do të gëzojë vogëlushët. Bëhet fjalë për projektin “Rigjallërimi i hapësirave publike për shfaqjet e kukullave, nga tradita në inovacion”, ku parashihet që të themelohet teatri I kukullave pranë Qëndrës për kulturë në Ulqin.

Ky project realizohet në kuadër të programit “Culture and Creativity for the Western Balkans Project”, financuar nga UNESCO, ku Komuna e Ulqinit do të bashkëpunojë me Qendrën për Kulturë dhe Art të Bashkisë së Vlorës.

Në kuadër të këtij projekti “CultureCraft: Reviving Public Spaces for Puppets Performances from Tradition to Innovation”, I cili do të zgjas 8 muaj, parashihet të sigurohen paisjet për teatrin e kukullave, si dhe trajnimi I personelit I cili do të performojë në këtë teatër.